"Рома" ўзининг расмий сайтида ярим ҳимоячи Брайан Кристанте билан шартномани узайтирганини эълон қилди. Томонлар 2027 йилнинг июнига қадар мўлжалланган янги битим тузишди.
Италиялик футболчи "Милан" тарбияланувчиси ҳисобланади. У 2018 йилдан буён "Рома" сафида тўп тепади.
28 ёшли хавбек ўтган мавсум барча турнирларда 53 та ўйин ўтказиб, 1 та гол ва 3 та голли узатмага муаллифлик қилди.
