Jumladan, Nukus olimpiya zaxiralari kollejida futbol stadionining hozirgi holati, yangidan barpo etilgan 150 o'rinli yotoqxona, kollejning asosiy o'quv binosi, sport zallarida tashkil etilgan davolash markazida yaratilgan sharoitlar ko'zdan kechirildi.
Shundan so'ng, Amudaryo tumaniga tashrif buyurib, bu erdagi futbol sekciyalari faoliyati, o'tkazilayotgan mashg'ulotlar jarayoni bilan yaqindan tanishildi. Sportchi yoshlar bilan uchrashuv chog'ida hududda sportni rivojlantirish borasidagi dolzarb muammolar yuzasidan o'zaro fikr almashildi.
Shuningdek, Beruniy tumani bolalar-o'smirlar sport maktabida ham bo'lib, hududda amalga oshirilayotgan ishlar bilan yaqindan tanishdi. Xususan, kuz-qish mavsumiga puxta tayyorgarlik ko'rish yuzasidan tegishli ko'rsatmalar berildi.
Kegeyli tumanida futbol obektlarini o'rganish jarayonida futbol stadioni hamda o'quv binosining umumiy holati qoniqarsizligi aniqlandi. o'z navbatida bolalar-o'smirlar sport maktabi rahbariyatiga aniqlangan muammo va kamchiliklarni bartaraf etish borasida tegishli tavsiyalar berildi.
Taxtako'pir hamda Bo'zatov tumanlaridagi bolalar-o'smirlar sport maktablari qoshida yangidan qurilgan sunʼiy qoplamali futbol stadioni 1000 nafar tomoshabinga mo'ljallangan bo'lib, bu erda yaratilgan shart-sharoitlar bemalol respublikamiz miqyosidagi musobaqalarni ham o'tkazish imkonini beradi. Safar davomida futbolga mas'ul rahbarlarga stadion va maydonlardan samarali foydalanish va yoshlarning bo'sh vaqtlarini mazmunli tashkil etish vazifasi yuklandi.
