"28 yoshli himoyachi faoliyati davomida Ukrainaning "Dnepr" va "Arsenal", Bolgariyaning "Dunav" va Tojikistonning "Istiqlol" jamoalarida o'ynagan. Oxirgi klubi "Istiqlol"da o'tgan mavsumda jami 38 o'yinda 2 to'p kiritgan. Chempionlar Ligasi-2021da Larin jamoasi tarkibida himoyadagi ishonchli o'yini bilan namoyon bo'lgandi.
Larinning "Paxtakor"dagi faoliyati g'alaba va sovrinlarga boy bo'ladi degan umiddamiz."Paxtakor"ga xush kelibsan, Aleksey!", - deyiladi klub xabarida.
Eslatib o'tamiz, oldinroq Larinning "Paxtakor"da ko'rikdan o'tayotgani haqida ma'lum qilgan edik.
