"Borussiya D" klubi o'z futbolchisi Jud Bellingem "Real Madrid"ga o'tganligini e'lon qildi. Nemis klubining xabar berishicha, transfer summasi bonuslardan tashqari 103 mln evroni tashkil qilgan. Bonuslar bilan ushbu qiymat 30% gacha oshishi mumkin. Bellingem "Real" bilan 2029 yilgacha shartnoma imzoladi.
Bellingem Bundesligada mavsumning eng yaxshi futbolchisi deb topildi. U "Borussiya" safida 31 ta o'yinda maydonga tushib, 8 ta gol urdi va 4 ta golli uzatmani amalga oshirdi.
