“Мен трансфер масаласида клуб раҳбари билан гаплашиб олдим. У менга “Клаудио, сенга нимадир керак бўлса, фақат менга айтсанг бас”, деди. Мен унга дастлаб қўл остимдаги бор футболчиларнинг барчасига имкон беришимни айтдим. Чунки мураббий ўзгаргач, футболчилар умуман бошқача футбол кўрсатишлари табиий жараён. Янги мураббий билан уларнинг кўпчилиги яхшироқ ўйин кўрсатишлари мумкин. Ўйлашимча, “Фулхэм”да тажрибали футболчилар жамланган, аммо улар менга жанговар ўйинларини кўрсатишлари керак”, дея Раньерининг сўзларидан иқтибос келтирмоқда Four-Four-Two.
АПЛ 12-туридан сўнг “Фулхэм” 5 очко жамғариб, турнир жадвалининг сўнгги 20-поғонасини эгаллаб турибди. Раньери қўл остида лондонликлар илк учрашувни 24 ноябрь куни “Сандерленд”га қарши ўтказади.
