Жаҳон чемпионатига қадар ушбу мамлакат яна бир катта мусобақага мезбонлик қилади. Гап араб давлатлари ўртасида ташкил этиладиган Араб Кубоги-2021 мусобақаси ҳақида боряпти. 27 апрель куни мазкур мусобақага қуръа ташлаш маросими бўлиб ўтганди.
Қуръа натижалари:
"A" гуруҳи: Қатар, Ироқ, Уммон/Сомали, Баҳрайн/Қувайт
"B" гуруҳи: Тунис, БАА, Сурия, Мавритания/Яман
"C" гуруҳи: Марокаш, Саудия Арабистони, Иордания/Жанубий Судан, Фаластин/Комор ороллари.
"D" гуруҳи: Жазоир, Миср, Ливан/Джибути, Ливия/Судан.
Жамоаларни гуруҳларга бўлаётганда ФИФА рейтингидаги ўринларидан келиб чиқилди. Натижада энг яхши кўрсаткичга эга 9та жамоа тўғридан тўғри гуруҳга тушди. Қолган 12 жамоа ўзаро плей-офф баҳсида ғолибни аниқлайди.
ФИФА Араб Кубоги мусобақаси шу йилнинг иккинчи ярмида ЖЧ-2022 ўйинлари бўлиб ўтадиган 6та стадионда ташкил этилади.
Унгача эса 19-25 июнь кунлари мусобақанинг гуруҳ босқичига чиқиш учун плей-офф учрашувлари бўлиб ўтади. Эътиборлиси, барча ўйинларда ҳамюртимиз Фарҳод Абдуллаев ҳакамлар назоратчиси вазифасини бажаради. Плей-офф ўйинларини бошқариш учун Сауд Али Ал Адба (Қатар), Бенуа Бастиен (Франция), Даниеле Довери (Италия), Мустафа Горбал (Жазоир) каби ҳакамлар таклиф этилган.
Плей-офф жуфтликлари:
19 июнь. Ливия - Судан
20 июнь. Уммон - Сомали
21 июнь. Иордания - Жанубий Судан
22 июнь. Мавритания - Яман
23 июнь. Ливан - Джибути
24 июнь. Фаластин - Комор ороллари
25 июнь. Баҳрайн - Қувайт
