U-23 Осиё Кубоги олдидан ўтказилган сўнгги назорат баҳсида Ўзбекистон Олимпия жамоаси Тожикистон Олимпия терма жамоаси устидан ишончли ғалабага эришди.
Учрашувдан сўнг Ўзбекистон U-23 терма жамоаси ҳужумчиси Отабек Жўрақўзиев фикрларини билдирди.
- Ўйин ҳақида
- U-23 Осиё Кубоги олдидан Тожикистон U-23 га қарши ўртоқлик баҳсида майдонга тушдик. Яхши тайёргарлик кўргандик. Худога шукрки, ғалаба қозондик. Баҳсгача тожикистонликларнинг ўйинини кўриб, камчиликларини аниқлаб олгандик.
- Ўзбекистон тенг кучли 2 та таркибга эга. Тожикистон билан ўйинда ҳам бунинг гувоҳига айландик. Термамиз ўз олдига қандай мақсадларни қўйган?
- Албатта, 2 та тенг кучли таркибга эгамиз. Ҳамма футболчиларимиз Суперлига жамоаларининг асосий ўйинчилари ҳисобланишади. Худо хоҳласа, мақсадимиз – Осиё Кубогида чемпионликка эришиш.
Эслатиб ўтамиз, Ўзбекистон U-23 термаси Осиё Кубогидаги иштирокини 1 июнь куни Туркманистонга қарши ўйин билан бошлайди. Мазкур баҳс "Пахтакор" стадионида 20:30 да бошланади.
