"Ufa" yarim himoyachisi Oston O'runov jarohatidan tuzalib, umumiy guruh mashg'ulotlariga qaytdi. Bu haqda "Ufa" bosh direktori Shamil Gazizov ma'lum qildi.
O'runov bugun umumiy guruh safiga qo'shilgan hamda "Ural"ga qarshi o'yinda ishtirok etishi mumkin. Biroq futbolchi jarohat bilan ko'p vaqtni o'tkazib yuborgan va formaga kirishi talab etiladi. Yakuniy qarorni murabbiylar shtabi e'lon qiladi.
Eslatib o'tamiz, O'runov o'ng oyog'ining bosh barmog'i sinishi tufayli bir oyga yaqin vaqtni o'tkazib yubordi. Joriy mavsumda u RPLning ikkita o'yinida maydonga tushdi.
