Dastlab 11-bor O'zbekiston chempionligini qo'lga kiritgan "Paxtakor" haqida so'z yuritamiz.
Mavsum
"Paxtakor" klubi 2015 yilgi mavsumni bir tekisda o'tkaza oldi. To'g'ri ilk turda "Olmaliq" bilan o'yinda ochko yo'qotildi, keyinroq "Lokomotiv"ga imkoniyat boy berildi. Lekin 10-turda peshqadamga aylanib olgan "sherlar" mavsum oxiriga qadar bu o'rindan pastga tushishmadi. "Paxtakor" mavsum davomida faqat uch bor yutqazdi. Dastlabki davrada "Lokomotiv"ga, ikkinchi davrada "Neftchi" va "Bunyodkor"ga imkoniyat boy berildi.
Murabbiylar
Jamoani bu yil ikkita murabbiy boshqardi. Birinchi davrada Samvel Babayan jamoa menejeri sifatida faoliyat olib bordi. Yozda O'zbekiston milliy terma jamoasini qabul qilib olgach "Paxtakor"ga No'mon Hasanov bosh murabbiy etib tayinlandi. Chempionlik aynan Hasanov qo'l ostida qo'lga kiritildi.
Yetakchi
Kaxi Maxaradze. Gruziyalik yarim himoyachi bejizga jamoa sardori emas. Kaxi maydon markazida "Paxtakor"ning hujumlarini tashkil qilishda haqiqiy yetakchi hisoblanadi. Futbolchi jarohatlar tufayli mavsumda bir nechta o'yinlarni o'tkazib yuborishga majbur bo'ldi. Lekin u o'ynaganida "sherlar" boshqacha, maydonga tushmaganida butunlay boshqacha o'ynashdi.
Kashfiyot
Javohir Sohibov. 1995 yilda tug'ilgan yarim himoyachi o'tgan mavsum umuman maydonga tushmagandi. Bu yil Sohibov "sherlar"ning asosiy futbolchisiga aylanib oldi. 23ta o'yinda ishtirok etib 2ta gol urgan Javohir O'zbekiston milliy terma jamoasiga ham chaqiruv oldi va bir nechta o'yin o'tkazdi.
Eng yaxshi o'yin
"Paxtakor" - "Lokomotiv" 2:1.
Oliy liganing 21-turida "sherlar" "Lokomotiv"ni qabul qilishdi. Ko'pchilik aynan shu bahsni chempionlik o'yini deb atadi. Uchrashuvning birinchi bo'limida Mamur Ikromovning xatosidan so'ng Sherzod Karimov deyarli maydon markazida gol urib hisobni ochdi. Bahs tugashiga 8 daqiqa qolganida zaxiradan maydonga tushgan Jaloliddin masharipov ikkinchi bor "temiryo'lchilar" darvozasini ishg'ol qildi. 90-daqiqada Lutfulla To'raev tomonidan urilgan gol hisobni qisqartirdi xolos - 2:1.
Eng yaxshi futbolchi
Igor Sergeev. 22 yoshli hujumchi uchun 2015 yil juda ham omadli keldi. Oliy ligada barcha 30ta uchrashuvda ishtirok etib raqiblar darvozasiga 23ta gol urdi va chempionat to'purariga aylandi.
Kim qancha o'ynadi?
| Futbolchi | Amp | Tug'.sana | O'yin | Daqiqa | Gol | SK | QK |
| Aleksandr Lobanov | Dar | 04.01.1986 | 30 | 2653 | 0 | 0 | 0 |
| Igor Sergeev | Huj | 30.04.1993 | 30 | 2598 | 23 | 3 | 0 |
| Vladimir Kozak | Yahm | 06.06.1993 | 30 | 2200 | 3 | 1 | 0 |
| Stanislav Andreev | Yahm | 06.05.1988 | 29 | 2155 | 8 | 1 | 0 |
| Davron Hoshimov | Him | 24.11.1992 | 28 | 2506 | 0 | 6 | 1 |
| Egor Krimec | Him | 27.01.1992 | 28 | 2497 | 3 | 8 | 0 |
| Sherzod Karimov | Yahm | 26.01.1989 | 28 | 1902 | 4 | 4 | 0 |
| Adnan Oraxovac | Him | 05.02.1991 | 27 | 2304 | 3 | 6 | 0 |
| Aleksandr Merzlyakov | Him | 30.10.1986 | 26 | 2062 | 1 | 1 | 0 |
| Akbar Ismatullaev | Him | 10.01.1991 | 24 | 1648 | 0 | 2 | 0 |
| Javoxir Sohibov | Him | 01.03.1995 | 23 | 1849 | 2 | 8 | 0 |
| Kaxi Maxaradze | Yahm | 20.10.1987 | 23 | 1819 | 6 | 2 | 1 |
| Bahodir Pardaev | Huj | 26.04.1987 | 23 | 887 | 4 | 0 | 0 |
| Jaloliddin Masharipov | Yahm | 01.09.1993 | 22 | 1184 | 4 | 2 | 0 |
| Anvar Soliev | Huj | 05.02.1978 | 14 | 175 | 2 | 1 | 0 |
| Jamshid Iskandarov | Yahm | 16.10.1993 | 11 | 571 | 0 | 1 | 0 |
| Kamoliddin Tojiev | Him | 03.05.1983 | 9 | 548 | 2 | 0 | 0 |
| Murod Xolmuhammedov | Him | 23.12.1990 | 5 | 39 | 0 | 0 | 0 |
| Navro'z Alimov | Huj | 21.03.1992 | 2 | 15 | 0 | 1 | 1 |
| Nikita Ribkin | Dar | 20.01.1992 | 1 | 47 | 0 | 0 | 0 |
"Paxtakor-2015" mavsum statistikasi
| O'yinlar | 30 |
| Gollar | 66 |
| Uydagi gollar | 43 (65,15%) |
| Mehmondagi gollar | 23 (34,85%) |
| O'tkazilgan gollar | 23 |
| Uyda o'tkazilgan gollar | 10 (43,48%) |
| Mehmonda o'tkazilgan gollar | 13 (56,52%) |
| O'rtacha gol | 2,2 |
| O'rtacha o'tkazilgan gol | 0,77 |
| Uydagi ochkolar | 43/45 (95,56 %) |
| Mehmondagi ochkolar | 32/45 (71,11 %) |
| Eng yirik g'alaba | 6:0 - "Dinamo", "Andijon" |
| Eng yirik mag'lubiyat | 0:2 - "Bunyodkor" |
| "Quruq" o'yinlar | 13 (43,33%) |
| Gol ura olmagan o'yinlar | 1 (3,33%) |
| Irodagi g'alaba | 2 |
| Yirik g'alabalar | 5 |
| Yirik mag'lubiyatlar | 0 |
| Avtogol (urilgan/o'tkazilgan) | 1/0 |
| Ogohlantirishlar (o'rtacha) | 47 (1,57) |
| Chetlatishlar (o'rtacha) | 3 (0,1) |
| Maydonga tushganlar (legioner) | 20 (2 - 10%) |
| Tomoshabinlar (jami/o'rtacha) | 134928 / 4498 |
Narzulla Saydullaev
