"Мирсаидов билан тузилган шартнома муддати узайтирилди
"Навбаҳор" сафида якунланган мавсумда жамоамиз шарафини ҳимоя қилган футболчилар орасидан етакчиларни келаси мавсумда ҳам "лочинлар" таркибида олиб қолишга ҳаракат қилинмоқда.
Жамоамиз бош мураббийи Тимур Тоҳирович Кападзе тақдим этган шорт-лист асосида жамоамизнинг маҳоратли ҳимоячиси, якунланган мавсумда Суперлига ва Ўзбекистон кубоги баҳсларида жами 33 та ўйинда майдонга тушиб, 2288 дақиқа ўйнаб, рақиблар дарвозасига 1 та гол уриб, 2 ассистни амалга оширган Саидазамат Мирсаидов билан келишувга эришилиб, у билан тузилган амалдаги шартнома муддати узайтирилди", — дейилади клуб хабарида.
