"Manchester Yunayted" yozda vinger Antonini sotmoqchi, deya xabar berdi jurnalist Kris Uiller. Mankunianlar har qanday taklifga quloq solishadi.
Manbaga ko'ra, MYU bosh murabbiyi Erik ten Hag o'zining talabiga ko'ra olib kelingan futbolchi bilan hisoblashishni xohlamayapti. 24 yoshli vinger joriy mavsum barcha turnirlarda 26 ta o'yin o'tkazib, atigi 1 ta gol urdi.
Antoni MYUning hozirgi tarkibidagi eng qimmat futbolchi va klub tarixidagi ikkinchi eng qimmat transfer hisoblanadi. Mankunianlar "Ayaks" futbolchisini 2022 yilning yozida 95 mln evro evaziga sotib olishdi.
