Floridadagi Walt Disney World'da joylashgan ESPN Wide World of Sports kompleksida muxlislarsiz turnir tashkil etiladi. Unda MLSning barcha 26ta jamoasi qatnashadi.
Ishtirokchilar 6 guruhga bo'linadi va bahslardagi natijalari chempionatning hozirgi jadvali bo'yicha hisoblab boriladi.
Guruh bosqichidagi eng yaxshi 16 jamoa pley-offga yo'l oladi, g'olib esa KONKAKAF Chempionlar Ligasiga chiqadi.
Jamoalar 24 iyun kuni mashg'ulotlarni odatdagi rejimda boshlashi mumkin.
Koronavirus pandemiyasi tufayli mart oyida MLS muntazam chempionati 2 turdan so'ng to'xtatilgandi.
