Kechagi uchrashuvdan so'ng odatdagidek mikst-zonada futbolchilarning fikrlarini tingladik.
Ahmad Suhail (Qatar futbolchisi) - Turkmanistonni g'alaba bilan tabriklayman. Bizga omad yetishmadi. O'yinga ortiqcha izoh berishning xojati yo'q. Hammasi ma'lum. Biz musobaqani tark etdik. Ikki goldan keyin bo'shashdik. Ular oddiy vaziyatdan gol urib ketishdi. Bu - futbol.
Botir Galiev (Turkmaniston darvozaboni) - Ortimizda butun Turkmaniston turganini his qildik. Bu bizga qo'shimcha kuch berdi. Eron ham, Qatar ham kuchli jamoalar edi. Bizga hech kim ishonmagandi. Muxlislarimizning daldasidan xursandmiz. Keyingi bosqichda munosib o'yin ko'rsatishga harakat qilamiz. Hech kim mag'lubiyat uchun o'ynamaydi. G'alaba uchun maydonga chiqamiz
