"Barcha jurnalistlarni kasb bayramlari bilan tabriklayman. Ular orqali yangiliklarni kuzatib boramiz. Ishlariga rivoj, sog'liq tilayman va o'ylagan niyatlariga etib yurishsin", - deydi Mirjalol Qosimov.

- Bugun tarkibda rotatciya juda ko'p bo'ldi. Bunga taqvimning zichiligi sababmi?
- "Mashal"ni o'rganib chiqqanimizda safarda ikkinchi raqam ostida o'ynashlarini taxmin qilgandik. Jamoadan kelib chiqib, issiq havoga qarab, taqvimga ham qarab rotatciya qilindi. Chempionat uzoq davom etadi, 10 futbolchi bilan butun mavsumni o'tkazish og'ir. Bunday jamoalarga qarshi o'yinlarda himoyani yorib o'tish uchun katta kuch kerak bo'ladi. Bugungi qarorimiz o'zini oqladi deb o'ylayman.

Raqib besh nafar himoyachi bilan o'ynadi, himoyani yorib o'tish qiyin bo'ldi. Yigitlar birinchi taymda shijoat bilan harakat qilishdi. Futbolchilarim tezroq gol urishga intilishdi va biroz shoshilishdi.

- Restartdan keyin AGMK uchala o'yinda 1:0 hisobida g'alaba qozondi. To'g'ri barchasida 3 ochko oldinglar, ammo kam gol urish qaysidir o'yinda pand berib qo'ymasmikin?
- Bu futbol. Oldindan bilib bo'lmaydi. Qaysidir yil Italiya terma jamoasi guruh bosqichida uchta durang o'ynab guruhdan chiqqandi. Biz ham ko'p gol urishni istaymiz, vaziyatlar bor, ulardan foydalanishni o'stirishimiz kerak. Mana yaqinda "Sochi" "Rostov"ga 10ta gol urdi, ammo ularga ham 3 ochko berildi-ku.

- Jamoa asosiy futbolchilaridan biri Elguja Grigalashvili bugun maydonga tusha olmadi. Uning jarohati qay darajada jiddiy?
- Belgida kichik jarohati bor. Hozirda davolanmoqda.

- "Nasaf" bilan o'yinda maydonga qaytishi mumkinmi?
- Menimcha qiyin.

Mirjalol Qosimov: "Chempionat uzoq davom etadi, 10 futbolchi bilan butun mavsumni o'tkazish og'ir"