"Арсенал" бугун АПЛ доирасида "Фулхэм"ни 3:0 ҳисобида мағлубиятга учратди. Ушбу ғалаба Микель Артета учун "Арсенал" устози сифатидаги 100-ғалаба бўлди.
Артета "Арсенал" мураббийи сифатида жами 167 та ўйин ўтказган. Ҳозирда мураббийда 100 та ғалаба, 24 та дуранг ва 43 мағлубият бор. Шундан келиб чиқилса, "Арсенал"нинг Артета билан ғалаба қозониш кўрсатгичи 59,9% экани аниқ бўлади.
Маълумот учун, Микель Артета "Арсенал"ни 2019 йилдан бери бошқариб келади.
