Uchrashuv qahramonlaridan biriga aylangan Kilian Mbappe mundial finallaridagi gollari sonini 4 taga etkazib, bu borada rekord qo'ydi. U bu turnirning hal qiluvchi bahsida xet-trikka erishdi va 2018 yilgi musobaqada Xorvatiya (4:2) darvozasini ishg'ol etgandi.
Shu tariqa, Mbappe finalda gol urish bo'yicha Vava, Pele (ikkisi Braziliya), Zinedin Zidan (Fransiya) hamda Jeff Xerst (Angliya)ni ortda qoldirdi. Yuqorida nomlari sanab o'tilgan futbolchilarda 3 tadan gol bor edi.
23 yoshli o'yinchi mundialdagi gollarini 12 taga etkazib, bu borada eng yaxshi to'purarlar ro'yxatida 6-o'rindagi Pelega yetib oldi.
JCHda eng ko'p gol urgan futbolchilar:
1. Miroslav Kloze (Germaniya) – 16 ta;
2. Ronaldo (Braziliya) – 15;
3. Gerd Myuller (Germaniya) – 14 ta;
4-5. Lionel Messi (Argentina), Jyust Fonten (Fransiya) – 13 tadan;
6-7. Kilian Mbappe (Fransiya), Pele (Braziliya) – 12 tadan.
Bundan tashqari, Kilian bir turnirda gol urish (8 ta) bo'yicha Gilermo Stabile (Argentina) hamda Ronaldo (Braziliya) bilan tenglashdi. Ulardan oldinda esa 5 futbolchi bor.
Bir turnir davomida eng ko'p gol urgan futbolchilar:
1. Jyust Fonten (Fransiya) – 13;
2. Shandor Kochish (Vengriya) – 11;
3. Gerd Myuller (Germaniya) – 10;
4-5. Ademir (Braziliya) – 9;
4-5. Eysebio (Portugaliya) – 9;
6-8. Kilian Mbappe (Fransiya) – 8;
6-8. Ronaldo (Braziliya) – 8;
6-8. Gilermo Stabile (Argentina) – 8.
