Бу ҳақда "Score90" инстаграм саҳифаси маълум қилди.
Аввалроқ, ҳозирда "Бенфика"ни бошқараётган 63 ёшли португалиялик мутахассис яна Мадридга қайтиши мумкинлиги ҳақида хабарлар тарқалган эди. Моуринью номзоди Флорентино Переснинг яқин атрофидаги инсонлар томонидан муҳокама қилинмоқда.
Инстаграмдаги "score90" аккаунти қизиқарли коллаж эълон қилди: унда Моуринью 2012 йилда Криштиану Роналду ва Месут Озил билан, 2026 йилда эса Мбаппе ва Арда Гюлер билан тасвирланган.
"Ўз вақтида Жозе Криштиану Роналдунинг маҳсулдорлигини элита даражасидан афсонавий даражага олиб чиққан эди. Килиан Мбаппе билан ҳам шундай трансформацияни кўра оламизми? Нима деб ўйлайсиз, "The Special One"нинг "Реал"га қайтиш имконияти борми ва у ҳозирги жамоа учун мос мураббийми?" — дейилади пост тавсифида.
Килиан Мбаппе эса ушбу постга "лайк" босди. Бу ҳаракат Мадридда янги мураббий борасидаги муҳокамаларни янада алангалатиб юборди. Кўпчилик буни Мбаппенинг португалиялик мутахассис билан ишлаш истаги сифатида талқин қилмоқда.
