Futbolchilar to'rt oydan beri maosh olishmayapti. Aniqrog'i, mahalliy futbolchilar oylik maoshsiz qolgan, Iroq chempionatining eng yaxshi to'purari Sherzod Temirov esa yaqin vaqtlargacha o'z pullarini hech qanday kechikishlarsiz olib kelgan.
Xabarlarga ko'ra, aprel oyida Sherzod klub rahbariyatiga dastlab mahalliy o'yinchilar bilan hisob-kitob qilishni taklif etib, o'z pullarini olishdan bosh tortgan. O'zbekistonlik hujumchi buni legionerlar FIFA orqali xalqaro sudlarda o'zlarini himoya qila olishi va tegishli haqlarini undirishi mumkinligi bilan izohlagan.
Mahalliy o'yinchilarning esa bu borada poziciyasi kuchsiz va ular uchun o'z haq-huquqlarini to'liq talab qilish qiyinroq kechadi. Shu bois, Temirov birinchi navbatda jamoa manfaatini o'ylab, o'z poziciyasidan mana shunday tarzda foydalangan.
