"Унинг терма жамоадаги фаолиятининг якуни ва умуман олганда сўнгги бир неча ҳафта нолойиқ ҳамда ўта уятли бўлди. Бунда Роналдунинг ўзи ҳам, Португалия футбол федерацияси ҳам айбдор. Мессидан фарқли ўлароқ, у ўз имкониятини қўлдан бой берди, федерация эса у кетганидан сўнг қўйилган кулгили жарима билан ўзини шарманда қилди.
Унинг мероси ҳамда "Манчестер Юнайтед" ва "Реал"даги йиллари — ноёб ҳодиса, бу чинакам буюк фаолият. Аммо уни бундан ҳам ёмонроқ якунлашнинг имкони йўқ эди", – дея Маттеуснинг сўзларини келтиради “Sky Sport”.
5 ноябрь куни 41 ёшли Роналду 2003 йилдан буён шарафини ҳимоя қилиб келган Португалия терма жамоасидаги фаолиятини якунлаганини эълон қилди. У миллий терма жамоа сафидаги ўйинлар сони (234) ва голлар (146) бўйича рекордчи ҳисобланади.
