Терма жамоа янги бош мураббийи Марк Вильмотс қўл остида иккита ўртоқлик учрашувида майдонга тушди. Форслар дастлаб Сурияни 5:0 ҳисобида мағлуб этишди ҳамда Сеулда кечган Жанубий Кореяга қарши баҳсда 1:1 ҳисобини қайд этди.
Бельгиялик мураббий дастлабки иккита ўйин бўйича ўз хулосасини берди: "Ўртоқлик ўйинлари ўз номи билан ўртоқлик ўйинлари. Лекин бу жамоа сифатида ўйин савиямизни оширишга хизмат қилади. Мен доим айтганман: футболда энг яхши ҳимоя - ҳужум, шундай экан биз ҳужумкор ўйин кўрсатишда давом этамиз. Ҳар бир ўйинда ўртача 10 голли вазият яратишга ҳаракат қиламиз".
