Toshkentning "Lokomotiv" klubi o'tgan mavsumni "Andijon" safida o'tkazgan qanot yarim himoyachisi Sardor Abdunabiev bilan shartnoma imzoladi. Eslatib o'tamiz, Sardor Abdunabiev 2022 yilda Superliga pley-off o'yinida "Lokomotiv " darvozasiga g'alaba golini urib, "Turon"ni superligaga olib chiqqandi. "Temiryo'lchilar" esa Pro ligaga ravona bo'lishgandi.
Ma'lumot uchun, Sardor Abdunabiev 1999 yil 10 fevral kuni tavallud topgan. Faoliyati davomida OKMK, "Turon", "Neftchi" va "Andijon" klublarida harakat qilgan futbolchi endi "Lokomotiv" o'yinchisiga aylandi.
