Andre Onana "Lion"ga qarshi o'yinda "MYU"ning asosiy tarkibida maydonga tushadi. Darvozabon APLdagi "Nyukasl" bilan o'yinni o'tkazib yuborgan edi. Yevropa Ligasi 1/4 final javob uchrashuvi ertaga Fransiyada bo'lib o'tadi. Dastlabki o'yin 2:2 hisobida durang bilan yakunlangan edi. Onaning 25 va 95-daqiqalardagi xatolari "Lion"ning gollariga sabab bo'lgan.
"Manchester Yunayted" bosh murabbiyi Ruben Amorim kamerunlik darvozabon inglizlarning asosiy tarkibida o'ynashini ma'lum qildi.
Eslatib o'tamiz, Onana Angliya Premer-ligasining 32-turida "Nyukasl"ga qarshi o'yinni (1:4) dam olish uchun o'tkazib yuborgan edi.
