Manbaga ko'ra, MYU va "Arsenal"dan tashqari 22 yoshli portugaliyalik futbolchini "Manchester Siti" va PSJ kuzatib bormoqda. Hozircha rasmiy takliflar yo'q - klublar skauting bosqichida turibdi. Kelishuvni shartnomadagi himoya bandlari murakkablashtiradi: "Portu" "Yuventus"ga 15 million evro hamda bonuslar to'lagan va futbolchi bilan 2030 yilning iyunigacha shartnoma tuzgan. Tovon puli 65 million evroni tashkil etadi, shuningdek, "Yuventus" kelgusi sotuvdan tushadigan foydaning 10 foizini o'zida saqlab qolgan.
MYU uchun Koshta o'ng qanot himoyasida raqobatchiga aylanishi va yosh futbolchilarga qaratilgan strategiyaga mos tushishi mumkin edi. "Arsenal" uchun esa uning taktik moslashuvchanligi qadrli: Mikel Arteta bir nechta rolda o'ynay oladigan va to'pni nazorat qilishda faol qatnashadigan himoyachilarni yoqtiradi.
Koshta 2025/26 yilgi mavsum "Portu" safida 47 ta o'yinda maydonga tushib, 1 ta gol urdi va 8 ta golli uzatmani amalga oshirdi.
Transfermarkt portali futbolchining transfer qiymatini 18 million evroga baholamoqda.
