Afsuski, Xitoyda tarqalgan Koronavirus sabab musobaqa noma'lum muddatga qoldirildi. OFK jarayonni kuzatib boradi va OCHni o'tkazish uchun yangi sanani vaziyatga qarab e'lon qiladi.
Taniqli mutaxassis Alisher Nikimbaev o'z kanaliga bu haqdagi rasmiy ma'lumotni joyladi.
Eslatib o'tamiz, Osiyo chempionatida 16 terma jamoa 4 guruhga bo'lingan holda g'oliblik uchun kurash olib boradi. Bahodir Ahmedov boshchiligidagi O'zbekiston MTJ "C" guruhida Bahrayn, Xitoy hamda Indoneziyaga qarshi bahs olib boradi.
Qitaning eng kuchli 5 jamoasi Litvada bo'lib o'tadigan to'qqizinchi mundialga yo'llanmani qo'lga kiritadi.
