Аргентинанинг "Индепендьенте" жамоаси бош мураббийи Карлос Тевес лавозимини тарк этади, деб хабар бермоқда клуб матбуот хизмати.
Хабар қилинишича, 40 ёшли Тевес аллақачон клуб президенти Нестор Гриндеттини бу ҳақда хабардор қилган. Мутахассис "Индепендьенте" билан сўнгги ўйинини Аргентина чемпионатининг "Платенсе"га қарши учрашувида ўтказди.
Карлос Тевес ўтган йилнинг август ойидан бери "Индепендьенте"да ишлаётганди. У 31 та ўйин ўтказиб, 14 ғалаба, 10 дуранг ва 7 мағлубият қайд этган.
