"Real Madrid" yarim himoyachisi Eduardo Kamavinga "Manchester Siti"ga qarshi YCHL yarim final javob uchrashuvida maydonga tushadi. Futbolchining kecha "Xetafe"ga qarshi uchrashuvda olgan jarohati unchlik ham jiddiy bo'lib chiqmadi. Kamavinga 84-daqiqada almashtirilgandi.
Tibbiy tekshiruvlar natijasi Kamavinganing tizzasidagi bog'lamlar engil lat eganini ko'rsatdi. Bu esa futbolchiga YCHL yarim finalida maydonga tushishga imkon beradi.
Ma'lumot uchun, 17 may kuni "Manchester Siti" o'z uyida "Real Madrid"ni qabul qiladi. Tomonlarning dastlabki to'qnashuvida 1:1 hisobidagi durang qayd etilgandi.