«Ҳозирда футбол инқирозда бўлгани сабаб, унга янги қоидалар жорий қилиш билан бирга бир қанча ўзгартиришлар қилиниши ҳам зарур. Унинг йўналишини тубдан ўзгартириш керак. Мен А Сериянинг плей-офф ўйинлари ҳақида айтмоқдаман. Ҳозирча буларнинг ҳаммаси хом-ҳаёл. Бироқ, кейинроқ барчасини муҳокама қиламиз. Бу эса биз учун муҳим саналади», – дейди Гравина.
Янги форматга кўра, А Сериянинг тур ўйинларидан сўнг клублар 2 гуруҳга тенг тақсимланади. Юқори очколарга эга бўлган кучли ўнталик чемпионлик, шунингдек, еврокубоклардаги ўринлар учун кураш олиб боради. Жадвалнинг иккинчи ўнлиги эса чемпионатда жон сақлаб қолиш учун курашади.
