Endi Peruda o'tishi kerak bo'lgan U17 jahon chempionatida ham mezbon o'zgaryapti. FIFAning xabar qilishicha, bunday qarorga mezbon mamlakat turnirni o'tkazish uchun zarur bo'lgan infratuzilmani yaratib berish bo'yicha o'z majburiyatlarini bajara olmagani sabab bo'lgan. Tomonlar o'rtasidagi munosabat iliq bo'lishiga qaramay, Peruda qurilish ishlarini yakunlash uchun mablag' yo'qligi ma'lum bo'ldi.
Oldinroq, Peruda moliyaviy inqiroz sodir bo'lgani va O'zbekiston ushbu turnirni qabul qilishga tayyorligi haqida ma'lumot bergan edik.
