Эйндховендаги “Филипс” стадионида кечган беллашувда ягона гол ўйин тақдирини ҳал қилди. 69-дақиқада Люк де Йонг киритган гол россиялик мутахассис Леонид Слуцкий бошқараётган “Витесс”нинг мағлубияти учун етарли бўлди. Учрашувнинг 14-дақиқасидан бошлаб меҳмонлар бир киши кам бўлиб ҳаракатлана бошлашди. Ҳимоячи Данило Дуки бош ҳакам томонидан қизил карточка билан “сийланди”.
Айни пайтда чемпионат турнир жадвалида ПСВ 33 очко билан пешқадамлик қилаётган бўлса, “Витесс” 15 очко билан бешинчи поғонада бормоқда.
