- Салом Ғайрат ака! Сизни айни дамда Фарғона футбол академиясида фаолият олиб бораётганлигингиз ҳақида эшитдик. Шу ҳақида маълумот берсангиз...
- Ҳа бу тўғри. Ҳозирда чиндан ҳам 6 ойдан буён Фарғона футбол академиясида дарвозабонлар мураббийи сифатида фаолият юритмоқдаман.
- Барчамиз учун қизиқ савол. Ғайрат Ҳасановнинг биринчи мураббийи ким бўлган?
- Биринчи мураббийим Алишер Сулаймонов бўлган. Футбол сир-асрорларини дастлаб Алишер акадан ўрганганман.
- Футболчилик фаолиятингиз давомида қайси жамоалар сафида ўйнагансиз?
- Футболчилик фаолиятим давомида "Тўқимачи", "Қува", "Цементчи", "Хоразм", "Андижон", “Насаф", "Нефтчи" ва "Қўқон-1912" жамоаси сафида ҳаракат қилганман.
- Жорий мавсум аввалида сизни “Ифтихор" жамоасида мураббий сифатида кўргандик. Лекин негадир бу жамоадаги фаолиятингиз узоққа чўзилмади...
- Биласизми, мен ҳар доим ўз олдимга фақат юқори мақсадларни қўяман, шунга интиламан ва ҳаракат қиламан. "Ифтихор" нинг келажак учун режалари менга ёқмади ва жамоа билан дўстона хайрлашдик.
- Мухлисларингизга тилакларингиз...
- Мухлислик маданияти борасида ўзбек футбол ихлосмандларига етадигани йўқ. Фарғоналик мухлислар эса мен учун ҳамиша биринчи рақамли бўлиб қоладилар.
Бекзод Толибов суҳбатлашди
