Londonliklar murabbiy topa olishmayapti, ular ilgariroq Antonio Konte, Paulu Fonseka va Jennaro Gattuzo bilan kelisha olmagan.
"Nuno Eshpiritu Santu "Tottenxem"da ishlashdan voz kechgan 483-odam bo'ldi. Shu bilan birga, men o'z ishini yaxshi ko'radigan odam bilan ishlagan bo'lardim.
Klubga Yurgen Klinsmann mos keladi: xarizmatik, aqlli, tajribali, sobiq futbolchi va muxlislarning sevimli murabbiyi", deb yozadi Lineker o'z tvitterida.
Ma'lumot uchun, Klinsmann Germaniya va AQSH terma jamoalari hamda "Bavariya" va "Gerta" klublariga ustozlik qilgan. Futbolchi sifatida "Tottenxem" tarkibida 1994–1995 yillarda, shuningdek, 1998 yilgi mavsumda to'p tepgan.
