"ABC" нашрининг хабар беришича, Перес мураббийни анча олдинроқ лавозимидан озод этиши керак бўлган деб ҳисобламоқда.
Эслатиб ўтамиз, Хаби Алонсо 12 январь куни Испания Суперкубоги финалида "Барселона"дан учралган мағлубиятдан (2:3) сўнг истеъфога чиқарилган эди. Перес аслида декабрь ойида "Сельта"дан учралган мағлубиятдан (1:2) кейинроқ мураббийни бўшатмоқчи бўлган, бироқ бош директор Хосе Анхель Санчес уни кутишга кўндирган. Президентнинг фикрича, истеъфонинг кечикиши Альваро Арбелоа учун вазиятни янада қийинлаштирган.
Гарчи Перес Арбелоага миннатдорчилик билдириб, унга алоҳида ҳурмат билан қараса-да, Альваро кейинги мавсумда жамоани бошқармайди. Переснинг фикрича, на Алонсо, на Арбелоа кутилган натижани бера олди. Президент ҳозирги таркиб топ-мураббий қўл остида анча яхшироқ ўйин кўрсатишига ишониб, ёзда жамоага юқори даражадаги мутахассис олиб келмоқчи.
Клубнинг трансфер режалари ҳақида:
Перес таркибда инқилобий ўзгаришлар қилиш ниятида эмас;
Мудофаа маркази, ўнг қанот ва ярим ҳимоя чизиғи кучайтирилади;
Нико Пас ("Комо") ва Виктор Муньос ("Осасуна") қайта сотиб олиниши мумкин;
Эндрик "Лион"даги ижарадан қайтади;
Франко Мастантуоно ижарага берилиши, Гонсало Гарсия эса қайта сотиб олиш ҳуқуқи билан сотилиши мумкин.
Айни дамда "Реал" Ла Лигада 32 ўйиндан сўнг 73 очко билан 2-ўринда бормоқда ва битта захира ўйинига эга "Барселона"дан 6 очко ортда қолмоқда.
