Asosiy va qo'shimcha vaqti 2:2 hisobidagi durang bilan yakunlangan bellashuvda Indoneziya penaltilar seriyasida 4:2 hisobida zafar kuchdi.
Bahsni Ahrol Risqullaev boshchiligidagi hakamlar guruhi boshqarib bordi.
Uchrashuvda hisob 84-daqiqada Jeyms tomonidan ochildi. Tailand tarkibida 81-daqiqada Mikkelson ikkinchi sariq kartochkasini olib maydondan chetlatilganiga qaramay, oradan uch daqiqa o'tib Sanron muvozanatni tiklashga erishdi - 1:1.
Qo'shimcha bo'limlarda bir kishi kam bo'lib o'ynayotgan Tailand Chamratsamining 111-daqiqadagi goli evaziga oldinga chiqib oldi. Biroq 116-daqiqada Baggott Indoneziyaning javob to'pini kiritib, muvozanatni tikladi - 2:2.
Lotereyaga aylangan penaltilar seriyasida esa omad va mahorat Indoneziya futbolchilariga hamrohlik qildi - 4:2.
FIFA ASEAN Cup 2026, final
Indoneziya - Tailand 2:2 (penaltilar bo'yicha - 4:2)
Gollar: D. Jeyms (84), E. Baggott (116) - I. Sanron (87), P. Chamratsami (111). Chetlatish: N. Mikkelson (81, Tailand).
Bosh hakam – Ahrol Risqullaev
Yordamchi hakamlar – Sanjar Shoyusupov, Akmal G'iyosov
Zaxira hakami – Ibrohim Ismoilov
VAR hakami – Akobirxo'ja Shukurullaev
AVAR hakami – Alisher Usmonov
RAR hakami – Islom Azimov
