"Farg'ona" markaziy stadioni sig'imi uch mingtaga qisqaradi

Narzulla Saydullayev
24 iyul 2013
Mamlakatmizning bayroqdor jamoalaridan biri bo'lgan “Neftchi”ning uzoq yillardan buyon uy stadioni bo'lib xizmat qilib kelgan, Farg'onadagi “Markaziy” stadion 1932 yili qurib foydalanishga topshirilgan.
Ushbu stadion, ilgari “Spartak” nomi bilan ham atalgan. Mazkur o'yingohda joriy yil rekontrukciya ishlari ketayotgani haqida oldin ham xabar berib o'tgandik. Yani bugungi kunga kelib, stadion tribunalari buzib tashlangan. Lekin shunga qaramay, maydonning xolati yaxshi ekanligi bois, yaqinda “Neftchi” yoshlar jamoasi birinchi liga vakili “Qo'qon-1912” bilan o'yinni ushbu stadionda o'tkazdi.

Aytishlaricha endilikda “Markaziy” stadion Farg'ona davlat universiteti nomiga o'tkaziladi. Uning muxlislar sig'imi esa 3 mingtaga qisqarishi to'g'risida xabarlar bor.

Eslatib o'tamiz, “Neftchi” ikkinchi davra o'yinlarini Farg'onadagi “Kirguli” stadionida o'tkazadi. Ayni paytda ushbu stadionda ham ikkinchi davraga tayyorgarlik ishlari olib borilmoqda.

Islombek Rustambekov

Narzulla SaydullayevMuallif
Manba: championat.asia