Championat.asia sayti ma'lumotiga ko'ra, Tomislav Mrchela Farg'onaning "Neftchi" klubiga o'tishga yaqin. 1990 yilda tug'ilgan markaziy himoyachi faoliyati davomida "Imotski", "RNK Split", "Mosor", "Dragovolyac", "Lokomotiva" (barchasi Xorvatiya), "Chonnam Dragons" (Koreya Respublikasi), "Pert Glori" (Avstraliya), "Bengaluru" va "Ist Bengal" (ikkalasi Hindiston) klublarda o'ynagan. Mrchela 2022 yil fevral oyidan buyon Avstraliyaning "Vestern Sidney" klubida o'ynab kelayotgan edi.
Transfermarkt portali ayni paytda Tomislav Mrchelani 400 ming evroga baholamoqda.
