Амад Диалло ва Брайанн Мбемо "Манчестер Юнайтед" таркибидаги машғулотларга қайтди. Бугун Майкл Кэррик ва унинг мураббийлар жамоаси Каррингтонда ўзларининг илк машғулотини ўтказди.
Иккала ўйинчи ҳам Африка Миллатлар Кубогида иштирок этиб, турнирнинг чорак финалигача етиб борди. Кот-д'Ивуар ва Камерун терма жамоалари мусобақадан чиқиб кетгач, улар "Манчестер Сити"га қарши шанба куни бўладиган дербига тайёргарлик кўриш учун МЮ базасига қайтишди.
Нуссаир Мазрауи ҳамон жамоада йўқ, чунки у Марокаш терма жамоаси сафида Африка кубоги финалига чиқиш учун Нигерияга қарши ўйнайди.
