Devid Bekxem shaxsiy futbol klubini tashkil qilmoqchi

Narzulla Saydullayev
3 iyun 2013, 16:00
Angliya terma jamoasi sobiq yarim himoyachisi Devid Bekxem shaxiy futbol klubini tuzmoqchi ekanini aytib o'tdi.
- O'ylashimcha, bu yaqin orada amalga oshadi. Janubiy Floridada futbol klubi ochsam zo'r bo'lardi. Mayami sport shahri, mahalliy muxlislar mamlakatdagi eng zo'rlaridir, - deydi Bekxem AQSH matbuoti.

Klubni tashkil qilishda Bekxemga boliviyalik milliarder Marselo Klaure yordam beradi. Unga Bolivar klubi tegishli. Oldinroq Manchester Siti xo'jayini shayx Mansur AQSHda Nyu-York Siti deb nomlanuvchi klub tuzmoqchi ekani haqida xabarlar chiqqandi.

38 yoshli Bekxem futbolchilik faoliyatini yakunlaganini aytib o'tdi. Ingliz futbolchisining so'nggi klubi PSJ bo'ldi.

Narzulla SaydullayevMuallif
Manba: