"Mirror" хабарига кўра, компаниянинг навбатдаги "ўлжаси" Португалиянинг "Портимоненсе" клуби бўлиб турибди. Клуб эгаси Теодор Фонеска ўтган йилнинг охирларида 35 миллион евролик таклифни рад қилганди. Ўшанда у харидорлардан 133 млн евро талаб қилганди. Томонлар қанчадир фоизлик акцияларнинг хариди борасида келишиб олган кўринади.
"Портимоненсе" Португалиянинг юқори лигасида иштирок этади. Яқиндагина Франциянинг "Труа" клубини сотиб олган "City Football"га 10 клуб тегишли бўлиб турибди. Компания шунингдек, Бразилия ҳамда Аргентинадан ҳам клублар сотиб олишни режалаштирмоқда.
