Лекин "Бунёдкор" бош мураббийи Миржалол Қосимов жамоани қийин шароитда ташлаб кетишни истамаганлиги боис "Сўғдиёна" таклифини қабул қилмаган.
Миржалол Қосимов яқинда сайтимизга берган интервьюсида ҳам жамоани оғир ҳолатда ташлаб кетиш унинг қоидаларига зид эканини алоҳида таъкидлаганди.
Шундан сўнг жиззахликлар Сергей Лушан номзодига тўхталишган. Тасдиқланмаган маълумотларга кўра, "Сўғдиёна" Лушан билан 3 ойлик битим имзолаган. Агарда натижалар яхши бўлса, Лушан "Сўғдиёна"даги ишини давом эттиради.
Бизга маълум бўлишича, "Сўғдиёна" ҳали Миржалол Қосимов номзодидан буткул воз кечгани йўқ ва келаси мавсумда яна Қосимовни жамоага таклиф этишга уриниб кўрмоқчи.
Бугун Ўзбекистон кубоги доирасида Қосимов бошчилигидаги "Бунёдкор" айнан Лушан бошқараётган "Сўғдиёна"га қарши баҳс олиб боради.
