33 ёшли футболчининг мюнхенликлар билан амалдаги шартномаси 2027 йилнинг июнига қадар мўлжалланган. Аввалроқ клуб келишувни камида 2029 йилгача узайтирмоқчи экани хабар қилинганди.
"Шартнома бўйича музокаралар ҳайратланарли даражада силлиқ кечмоқда. Қолишни жуда истаётган футболчи ва келишувни узайтиришни жуда хоҳлаётган клуб. Албатта, ҳали айрим тафсилотларни ҳал қилиш керак бўлади.
Бутун футбол олами у қандай роль ўйнаганини кўриб турибди, айниқса, "Бавария"да. Мен учун "Олтин тўп" соҳиби бу шунчаки голлар урган ёки совринлар ютган одам эмас. Бу яна ўрнак бўла олиш намунаси ҳамдир, Ҳарри Кейн эса майдонда ҳам, унинг ташқарисида ҳам айнан шундай инсон. Шунинг учун мен учун Ҳарри Кейн — ёрқин танлов", – деди Эберль.
