Аввалроқ Хиль "Атлетико" Альварес бўйича "Барселона" билан музокаралар олиб бориш ниятида эмаслигини маълум қилган эди. Мадрид томони, шунингдек, каталонияликларни ноэтик хатти-ҳаракатларда ва аргентиналик футболчига таъсир ўтказишга уринишда айблади.
"Бу сўзлар қизил чизиқдан ўтишдир. Агар бу гаплар айнан Мигель Анхель Хильдан чиқаётганини ҳисобга олсак, мен уларни умуман тушунмаяпман. Мен бу позицияни маъқулламайман ва, албатта, бундай баёнотлардан ғазабдаман. Биз рақибларни, "Атлетико"ни клуб сифатида ва дунёдаги барча футболчиларни ҳурмат қиламиз. Агар футболчи бизнинг жамоамизга келишни истаса, бу, шубҳасиз, бизни қувонтиради. Биз мутлақо хотиржаммиз. Виждонимиз спорт ва профессионал принципларга зид иш тутишимизга йўл қўймайди", — дейди Юстенинг сўзларини "COPE" нашри.
