O'tgan yakshanba kuni "Real" La Liganing 7-turi doirasidagi o'yinda "Atletiko"ga 1:2 hisobida imkoniyatni boy berdi. O'yindan so'ng Mourinyu bosh hakam Migel Anxel Ortis Aryasning ishini tanqid qildi va matbuot anjumaniga "Atletiko" o'yinchilari, uning fikricha, qizil kartochka olishi kerak bo'lgan vaziyatlarning qog'ozga chiqarilgan skrinshotlarini olib keldi.
- U yutqazgani uchun shikoyat qilmoqda. Agar hamma narsa aksincha bo'lganida, bu bahsli hakamlik haqida bunchalik ko'p gapirilmasdi.
Har doim shunday bo'ladi: "Real" "Atletiko"ga yutqazganda, e'tiborni o'zlariga qaratish o'rniga qandaydir boshqa sabablarni qidirishga urinishadi.
Isterika? Buni bemalol shunday deb atash mumkin. Qog'ozlar bilan sahnalashtirilgan bu spektakl menga aynan isterika va yutqazishni bilmaslikdek tuyuladi, - dedi Baena Telemadrid’ga bergan intervyusida.
