"El Partidazo de COPE" нашри тарқатган хабарга кўра, воқеа жамоа Барселонадаги стадионга йўл олаётган вақтда содир бўлган. Номаълум шахслар томонидан отилган тошлар натижасида мадридликлар автобусининг иккита ойнаси пачоқланган.
Эслатиб ўтамиз, бу "Барселона" мухлислари томонидан "Атлетико"га нисбатан биринчи марта қилинаётган бундай ҳаракат эмас. Шу йилнинг март ойи бошида Испания Кубоги ярим финали доирасидаги баҳс олдидан ҳам каталониялик фанатлар рақиб автобусини турли буюмлар билан "кутиб олишган" эди.
