Габриэл Мартинелли "Арсенал" билан 2027 йилгача амалда бўладиган тўрт ярим йиллик битимга келишиб олди. Бразилиялик футболчининг "тўпчилар" билан ҳозирги шартномаси кейинги мавсум охирида тугайди. У "Арсенал"да яна икки йил ўйнаш имконига эга эди. Янги келишув лойиҳаси ҳозирда якуний босқичга кўтарилган.
21 ёшли футболчи 2019 йилнинг июль ойида Премьер-лига клуби сафига қўшилган. Ушбу мавсумда Мартинелли "Арсенал" таркибида 27 та ўйинда иштирок этиб, 7 та гол урди ва жамоадошларининг 3 та голига ассистентлик қилди.
