Лига раҳбарияти клублар учун қўшимча даромад жалб қилиш йўлини топган, аммо клубларнинг ўзларига бу ғоя унча маъқул эмас.
"Daily Mail" хабарига кўра, АПЛ клубларга майдон ёнидаги реклама баннерларининг 60% қисмини марказлашган тарзда сотишни таклиф қилган. Дастлабки баҳоларга кўра, бу клубларга йилига қўшимча 750 млн фунтгача даромад келтириши мумкин эди — бу модел, масалан, Америка футболида қўлланади.
Бироқ "катта олтилик" клублари — икки Манчестер жамоаси, "Арсенал", "Челси" ва "Тоттенхэм" бу ғояга катта қизиқиш билдирмади. Улар ўзлари реклама ва ҳомийликдан кўпроқ даромад топа олишига ишонади.
Келтирилаётган асослардан бири — АПЛ топган ҳомий клуб ҳомийси билан манфаатлар тўқнашувини келтириб чиқариши мумкинлиги. Шу билан бирга, клублар тамоман рад жавобини бергани йўқ: улар лига томонидан нега бу ғояга қизиқиш билдириш кераклиги ҳақида янада асослироқ сабаблар тақдим этилишини кутмоқда.
