Ushbu o'yinda inglizlar 2:0 hisobida g'alaba qozonishdi. Uchrashuv Chexiyaning Praga shahridagi "Fortuna Arena" stadionida bo'lib o'tdi. Bosh hakam sifatida Turkiyadan Xalil Meler ishladi.
25-daqiqada Chexiya terma jamoasi yarim himoyachisi Pavel Shulc qizil kartochka oldi. 47-daqiqada Entoni Gordon hisobni ochdi va inglizlarni oldinga olib chiqdi. 69-daqiqada Garri Keyn Angliya terma jamoasi ustunligini oshirdi.
Chexiya - Angliya 0:2
Gollar: Gordon 47, Keyn 69.
Chetlatish: Shulc 25.
Ushbu o'yindan so'ng Chexiya terma jamoasi ochko jamg'armagan holda C guruhi turnir jadvalini yakunlab turibdi, Angliya milliy jamoasi esa uch ochko bilan ikkinchi o'rinda joylashgan.
