Xabi Alonso boshqaruvidagi jamoa kecha Yevropa ligasida "Qorabog'" jamoasini 1:0 hisobida mag'lub qildi. Bu Leverkuzen klubining ketma-ket 11-g'alabasi bo'ldi. Bu "Bayer"ning 1979 yili Bundesligaga chiqqanidan keyingi rekordi hisoblanadi. Bunga qadar jamoaning bunday eng yaxshi natijasi 2013 yilda kuzatilgan va o'shanda ketma-ket 9 g'alaba qayd etilgandi.
"Bayer" ushbu mavsumdagi 17 o'yinining 16tasida g'alabaga erishdi va faqatgina bir marta "Bavariya" bilan durang o'ynadi. 12 noyabr kuni "Bayer" Berlinning "Union" jamoasini qabul qiladi.
