- Ўйинни ҳамма кўрди. Менимча, ортиқча изоҳ керак эмас. Авазбек Ўлмасалиев, Шукур Пўлатов, Абдураҳмон Абдулҳақов, Ҳусниддин Ғофуров сингари етакчи ўйинчиларнинг йўқлиги ўз таъсирини ўтказди. Майдонга тушганлари ҳам жароҳати билан ўйнамоқда. Ҳозир қийин вазиятдамиз. Буни ҳамма тушуниб турибди. Бизга осон эмас. Ҳужум чизиғида катта муаммоларимиз бор. Савияга ҳам кўп нарса боғлиқ. Барибир олға интилишда давом этамиз, - дейди Абдумалик Ҳакимов.
Абдул Азиз Юсупов: Мураббийлар жамоани ўйинга яхши тайёрлашганди. Биринчи бўлимни яхши бошладик. Жамоа ёмон ўйин кўрсатмаётганди. Лекин биринчи гол йигитларнинг кайфиятига ва ўйинига ўз таъсирини ўтказди.
