Unda klublar evrokuboklar kampaniyasi davomida qancha mukofot puli ishlab topgani ko'rsatilgan. Endi esa barcha manbalarni inobatga olgan holda umumiy daromadlarni hisoblash imkoni paydo bo'ldi.
"Auditorlik katta to'rtligi"ga kiruvchi kompaniyalardan biri - Deloitte o'zining Football Money League 2026 hisobotini e'lon qildi. Unda 2024/2025 yilgi mavsumda eng katta daromadga ega bo'lgan 20 ta futbol klubi ro'yxati keltirilgan.
Faqat bitta klub 1 mlrd evrodan oshiq daromadga erishdi - bu Madridning "Real" klubi bo'lib, u reytingda 1-o'rinni egalladi. Shu bilan birga, yigirmatalikda eng ko'p vakilga ega liga - APL: ro'yxatdan 9 ta klub joy olgan.
"Manchester Yunayted" esa Chempionlar Ligasida ishtirok etmaganiga qaramay, juda yuqori o'rinni saqlab qoldi va 800 mln evro chegarasiga juda yaqin keldi.
