Юрак хасталиги ортда қолди: Бове майдонга қайтади!
27 jun 2025 17:05
News

Юрак хасталиги ортда қолди: Бове майдонга қайтади!

"Рома" ярим ҳимоячиси Эдоардо Бове юраги билан боғлиқ муаммодан сўнг фаолиятини давом эттиришга яқин турибди.

Бу ҳақда "Sky Sport Italia" хабар берди.

Манбага кўра, тестлар Бове тўлиқ тиклангани ва 2025/26 йилги мавсумдан бошлаб майдонга қайтиши мумкинлигини кўрсатди. 23 ёшли италияликнинг ўзи ҳам профессионал фаолиятини давом эттиришга шай.

Бове 1 декабрь куни – "Фиорентина"да ижарада ўйнаётган вақтида ҳушини йўқотиб, майдонга йиқилганди. Унинг юраги бир муддат тўхтаб қолган. Футболчига териости дефибрилятор ўрнатилган.

Бовенинг "Рома" билан шартномаси 2028 йилнинг 30 июнига қадар мўлжалланган. Унинг "Фиорентина"даги ижара муддати 30 июнь куни тугайди.

Link :

Source : Sky Sport Italia

Receive latest football news directly on your phone. Subscribe for our Telegram channel!

Rating: +8